IbilVital ibilbideakJarduerak
Vital Fundazioak, arabarrentzat programa berriak abiarazteko aukerei adi, "IbilVital" sortu du, mendian modu erraz eta gidatuan hasi nahi dutenentzat edo aste barruan egin ezin dutenentzat pentsatutako mendirako irteerak. Programa edozein adin edo egoera fisikotako pertsonentzat eskuragarri izateko diseinatuta dago eta, horrela, mendi mundua publiko guztiei hurbiltzeko.
Informazioa
- Ordua: 08:30 a.m.
- Irteera: Arriagako autokarabanen aparkalekua.
- Plazak: 26 pertsona/irteera
IbilVital programaren edizio honen bidez, Araban mendi-ibiltaritza aldatzea du helburu Vital Fundazioak, fauna, ondarea eta inguratzen gaituzten zuhaitz motak nahiz ingurune naturalak aztertuz eta ezagutuz. GR25 Arabako Lautadako Itzuliaren hamabi etapetan, Lurraldearekin eta haren natura- eta kultura-ondarearen kontserbazioarekin konprometitutako hainbat eremutako profesionalen laguntza izango da. Faunari, florari, klimari, tokiko usadio eta ohiturei, landako toponimiari eta abarri buruz duten ezagutza partekatuko dute. Gainera, ibilbideetako batzuek folk musika ere izango dute.
Izen-ematea
Irteera bakoitzean izena emateak 5 €-ko prezioa du eta "irteerak" atalean egin ahal izango dira.
Begiraleen prestakuntzari eta esperientziari esker, gainera, mugikortasun urriko pertsonek ere har dezakete parte. Kasu horietan, 945 77 68 58 telefonoaren bidez erreserbatu behar da plaza.
