Aurkezpena
Vital Fundazioan Arabako Lurralde Historikoko klubek, federazioek eta bestelako kirol-erakundeek ekipamenduak erosteko laguntza-deialdia ireki dugu. Eskola-kirola, oinarrizko kirola, herri-kirola eta kirol inklusiboa sustatzera bideratutako proiektuak babestea eta bultzatzea da gure helburua.
Onuradunak
Oinarri arautzaile hauen babesean emandako laguntzaren onuradun izan daitezke Arabako Lurralde Historikoko kirol-klubak, kirol-federazioak eta kirol-erakundeak.
Kategoria hauetan:
- Oinarrizko kirola
- Herri kirola
- Talde inklusiboak
- Eskola-kirola
- 23 urtez azpikoen eta seniorren kirola
*Kanpoan geratzen dira kategoria hauek:
- Goi-mailako lehiaketako kirola
- Eliteko kirola eta kirol profesionala
- Estatuan edo nazioartean lehiatzen diren taldeak
Laguntzak eta baldintzak
- 1.000-1.500€ 100 fitxa aktibo baino gutxiago dituzten talde, klub edo elkarteentzat
- 1.500 eta 2.500€ artean 100 eta 400 fitxa aktibo artean dituztenentzat
- 4.000€ arte 400 fitxa aktibo baino gehiago dituztenentzat
Erosketak Arabako sektoreko enpresa bati egin beharko zaizkio, eta deialdi honen bidez diruz lagundutako ekipamenduek Vital Fundazioaren logotipoa eraman beharko dute, eskaera egiten duen erakundearen marka ere barne hartuta. Beste erakunde publiko nahiz pribatuekiko markak edo logotipoak baztertuta geratuko dira.
Ekipamendu guztiak honako materialen eskuraketara bideratuta egon beharko dira: kamisetak, joko-prakak, entrenamendurako arropa, igerilekurako txanoak, euritakoak, txirrindularitzarako arropa teknikoa eta kaskoak. Ondorioz, dorsalak, motxilak, bandak, galtzerdiak, baloi-orgak, baloiak edota trofeoak diru-laguntzatik kanpo geratuko dira.
Oinarriak
Oinarriak hemen kontsulta ditzakezu.
Eskaera eta ebazpena
EPEAK:
Eskaera: 2025eko maiatzaren 12tik ekainaren 20ra
Eskaeren ebaluazioa: 2025eko ekainaren 23tik uztailaren 7ra
Ebazpena: 2025eko uztailaren 8tik aurrera
Eskabidea onartu ahal izateko, jarraian edo orriaren amaieran aurkituko duzun formularioa bete behar da:* Nahitaezkoa da inprimakian bazkide-erakundearen fitxa eranstea, orri honen amaieran deskarga dezakezuna edo hemen klik eginez.
Eskaera bakoitza banaka kudeatuko da, eta, balorazioa egin ondoren, eskatzaile bakoitzari jakinaraziko zaio ebazpena.
* Edozein zalantza argitzeko, jar zaitez harremanetan Fundación Vital Fundazioarekin 945 06 43 67 edo 945 06 43 55 telefonoetan.
