1. Hasiera
  2. Hezkuntza digitala. Hartu kontrola

Hezkuntza digitala. Hartu kontrolaHezkuntza programak

Informazioa

Gure lurraldean, telefono mugikorra eta sare sozialak erabiltzen hasteko batez besteko adina 12 urtekoa da, nahiz eta plataformek beraiek 14 edo 16 urteko gutxieneko adina ezartzen duten. Arriskuak asko dira eta era askotakoak: malware edo birusa, ingeniaritza soziala, ezezagunak, nagusiek adin txikikoengana egindako izaera sexualeko hurbilketak, sexting, online apustuak, adikzioa, gehiegizko esposizioa, jazarpen digitala, e.a. Sare sozialak eta teknologia berriak gero eta gehiago erabiltzen badira ere, pertsona gutxik dakite arrisku horiek aurreikusten eta horien aurrean babesten. Online jokoak ere sare sozialak dira.   

Hezkuntza arloan 10 urte luzeko eskarmentua duen Macsonrisas-en lankidetzaz, Vital Fundazioak aipatutako programa berri hori sortu du eta, hitzaldi eta tailerren bitartez, ikasleek, gurasoek eta irakasleek teknologiaren erabilera kontzienteagoa egin dezatela da helburua eta segurtasunaren oinarrizko arauak jarrai ditzatela.

 

  • Ikasleak, irakastordu batean, Interneten dauden ohiko arriskuak identifikatzeko gauza izango dira, baita modu egoki batean babesteko eta arrisku horiek saihesteko erabilera irizpideak jarraitzeko ere. 
  • Gurasoek, ordu 2ko saio batean, adin txikikoak arlo digitalean hezteko gomendatutako arauak ezagutuko dituzte: hezkuntza-baliabideak, gomendatutako adinak, gurasoen kontrola, arauak eta mugak edo sare sozialen arriskuak.
  • Irakasleek, ordu 2ko saio batean, hezkuntza-zentroko informazio digitala babesten ikasiko dute, zeintzuk diren sare sozialen arriskuak nagusientzat eta adin txikikoentzat, nola aurreikusi, eta teknologiaren erabilerak osasunerako dituen arriskuak eta ingurumenarekin duen zerikusia.

Informazio gehiago hemen.

Eskabideak

Programa horretan parte hartu nahi duten ikastetxeek eta IGE-ek harremanetan jarri beharko dute Julen Linzasororekin, proiektuaren tekniko-arduraduna,  622 871 713 telefonoan edo info@macsonrisas.es posta-elektronikoan.

Dokumentazioa