Vital Fundazioak Desertia Fest jaialdiaren edizio berri bat bultzatzen du. Jaialdi honek saharar kultura herritarrengana hurbiltzen du artearen, musikaren, gastronomiaren eta parte-hartzearen bidez. Desertia Elkarteak, gazte sahararrek osatutako elkarteak, antolatutako jaialdiaren helburua da saharar kulturari ikusgarritasuna ematea, haren ehun artistikoa indartzea eta komunitateen arteko topaguneak sortzea.
Zer aurkituko duzu Desertia Fest-en?
- Te-edalontziak margotzeko tailerra, saharar te tradizionalaren dastaketarekin.
- Dantza, henna eta Gaf tailerrak.
- Horma-irudi kolektiboa.
- Saharar elkarte, idazle eta sortzaileekin solasaldiak.
- Emakume sahararren produktuen eta ekintzailetza-proiektuen azoka.
- Zuzeneko musika: Suilma Aali, Yslem Hijo del Desierto, Haiyu, DJ Eromena, Cheikh Reflex eta DJ Mo Reflex.
- Saharar telesail baten proiekzioa.
- Ipuin-kontalaria eta haur txikienentzako jolas tradizionalak.
Berritasun nagusia
Aurtengo edizioan Saharar Pasaportea izango da berritasun nagusia: esperientzia interaktibo bat, jaialdia zeharkatu, jardueretan parte hartu eta saharar kulturan barrena egindako bidaia honen oroigarri gisa zigiluak biltzeko aukera emango duena.
Artista gonbidatuekin eta kultur arloko hainbat lankidetzarekin, Desertia Fest berriro ere kultura bizi bat ezagutzeko, partekatzeko eta ospatzeko topagune bihurtuko da.
Sarrerak
Sarrerak hurrengo estekan 5€tan eskuratu ahal izango dira. Animatu izena ematera eta ez geratu pasaporterik gabe!
