Iraila hilabete aproposa da kirola egiteko eta naturaz gozatzeko. Igandean, hilak 6, Izki Trail itzuliko da, Karrantan-Oskarbi Elkarteak eta Vital Fundazioak antolatuta, Arabako Foru Aldundiaren eta Arraia-Maeztuko Udalaren laguntzarekin. Izkiko Parke Naturalean zehar egingo da ibilaldia, 21 km guztira, ingurumen aberastasun handikoa den eremu horretako bidezidor eta gailur esanguratsuenetan zehar. Ibilbidea San Kristobal haitzaren azpian hasten da, eta Izki mendilerroko paraje ederretatik igarotzen da, Arabako hego-ekialdean, eta Arraia-Maeztu inguruan amaitzen da. Izena emateko epea apirilaren 4an irekiko da eta irailaren 1era arte egongo da zabalik www.kronoak.com webgunean.
