Vital Fundazioak antolatutako Euskal Dokumentalaren XI. Astea astelehenean hasiko da, eta ostiralera arte iraungo du, euskal profesionalek zuzendutako iazko dokumental onenen emanaldiaren eskutik. Egunero, 19:30etik aurrera, Vital Fundazioa Kulturunean (Bakea kalea 5, 1. solairua, Dendaraba, Vitoria-Gasteiz), emanaldiak izango dira, eta jarraian, solasaldiak, eta zuzendari eta protagonista guztiek baieztatu dute bertan izango direla. Sarrera doan da eta eserlekuak bete arte izango da sartzeko aukera.
