Jesús Guridi Musika Kontserbatorio Profesionalak eta Vital Fundazioaren Astearte Musikalek harreman estua dute eta horren fruitu da bertako ikasleek ganbera-musikako ziklo entzutetsu honetan urtero ematen duten kontzertua. Kontserbatorioko hemezortzi interprete gaztek Castelnuovo-Tedesco, Brahms, Azarashvili, Zolotarev, Dyens, Chaminade, Arriaga, Kovács eta Debussyren obrak joko dituzte, 19:30etik aurrera, Vital Fundazioa Kulturunean (Bakea kalea 5, Dendarabako 1. solairua).
