Gure egunerokoan, garbiketa-produktuak, kosmetikoak, ontziak, plastikoak eta etxeko errutina osatzen duten beste material batzuk erabiltzen ditugu. Baina... ba al dakigu benetan zer eragin duten gure osasunean eta ingurumenean?

A & B Laborategiko Jon Kepa Izaguirreren eskutik, hitzaldi honek etxeko ingurumen-aztarna zailtasunik gabe murrizteko moduari buruzko ikuspegi praktiko eta hurbila emango die herritarrei. Eguneroko produktuetan dauden substantzia kimikoak, kontsumo-ohitura arduratsuak, hondakinen kudeaketa egokia eta egunerokotasunerako alternatiba seguruagoak eta jasangarriagoak aipatuko ditugu.

Dibulgazio-saio bat, etxeko bizi-kalitatea nola hobetu dezaketen jakiteko, ingurunea babesteko eta kontsumo-eredu kontzienteago eta osasuntsuago bat lortzen laguntzeko.

Hizlaria:

• Jon Kepa Izaguirre, A & B Laborategiak