GIZARTERAKO (Emakume Prostitutari Harrera, Arreta eta Orientazioko Arabako Elkartea) Elkarte sozial eta komunitarioentzako laguntza

Irabazteko asmorik gabeko elkartea da Gizarterako. Araban prostituzioan diharduten edo aritu diren emakumeak eta/edo sexu-esplotaziorako salerosketaren biktimak hartzeko sortu zen, eta haien ahalduntzea sustatzen du, haien eta haien familien bizi-kalitatea hobetzeko programak eta proiektuak garatuz.

Prostituzio jarduera horrek dituen ezaugarriak direla-eta heltzeko zaila den kolektiboarentzako hurbileko baliabidea izan nahi du Gizarterakok, izan ere estigma soziala du eta talde gisa artikulazio falta nabarmena. Babesa-, laguntza-, aholkularitza-, orientazio-, informazio- eta prestakuntza-jarduerak garatzen dituzte artatutako emakumeekin esku hartzean, haien gizarteratzeari eta bizitza duina lortzeari laguntzeko helburuari jarraiki.

Era berean, herritarrak sentsibilizatzeko eta problematikari buruzko masa kritikoa sortzeko bestelako ekintzak ere ezartzen dituzte, emakumeen benetako egoera eta balizko konponbideekiko inplikazioa ikusarazteko.