1981ean sortua Valentzian, Francesc Cuesta musikari eta konpositoretik hartu zuen izena Quintet Cuesta taldeak. Taldekideek taldearen jarduerak Valentziako Goi Mailako Musika Kontserbatorioko irakasle lanarekin eta Valentziako Orkestrako eta Valentziako Erkidegoko Orkestrako kide jardunarekin uztartzen dituzte. Nazioarteko lehiaketa askotan saritu dute Quintet Cuesta, eta hainbat jaialdi entzutetsutan hartu du parte, bai naziokoetan, bai nazioartekoetan. Haize boskotearentzako jatorrizko errepertorio zabala eta askotarikoa du, klasikotik hasi eta obra garaikideenetaraino, taldearentzat moldatutako pieza handiak alde batera utzi gabe, hala nola Espainiako musikaren obra nagusiak.

Oraingo honetan bere talentua Carlos Apellaniz euskal pianistarenarekin lotu da. Apellanizen ibilbidea jaso dituen nazioarteko sari ugariek bermatzen dute, eta bakarka nahiz ganbera taldeetan bakarlari aritzen da, bost kontinenteetako orkestra handietan.