ADELPRISE (Lehen eta Bigarren mailako Linfedemek Kaltetutakoen Elkartea) Elkarte sozial eta komunitarioentzako laguntza

ADELPRISE patologia linfatikoen eta horien tratamenduen ikerketara bideratutako lan apurra aldarrikatzeko nahitik sortu zen. Elkarteak sistema linfatikoko edozein gaixotasun duten pertsonak artatzen ditu (linfedema, flebedema eta lipedema). Linfedema gorputzeko atal bati edo batzuei eragiten dien hantura kronikoa da. Modu progresiboan handitzen den edema forman agertzen da, zelulen arteko eremuan eta ehunetan likidoa (linfa) metatzen delako, eta likido horrek ezin duelako zirkulatu sistema linfatikoak huts egiten duelako.

ADELPRISE saiatzen da, lehenik eta behin, gaixotasun horiek dituzten pertsonek ezagutu ditzaten eta lanean has daitezen beren egoera fisikoa hobetzeko, eta gaixotasunak ahalik eta gutxien egin dezan aurrera; horrela, gaixotasun horien garapenak eragiten dituen desgaitasun handiak saihestu daitezke, esaterako elefantitisa. Bigarrenik, informazioa eman behar zaie, kaltetutako pertsonei ez ezik, intereseko kolektibo guztiei ere: ikasleei, ortopediei, osasun-zentroei, gizarte-langileei, fisioterapeutei, medikuei eta abarri, beren lanbideak gorabehera, ez baitute patologia horien berri.

Antolatzen dituzten jardueren artean, aquagym, yoga, zoru pelbikoa indartzea eta Linfedemaren Munduko Egunaren antolaketa dira aipagarrienak. Linfologiaren Nazioarteko Biltzar bat ere egiten dute, linfedemaren eta lipedemaren arloko azken aurrerapen zientifikoei buruz jarduteko.