Arabako Elikagaien Bankuak eta Vital Fundazioak Elikagai Bilketako Kanpaina Handiaren edizio berri bat jarri dute abian. Azaroaren 13an eta 14an egingo da, ‘Gure artean daude, lagundu iezaguzu laguntzen’ lelopean. Ekimenaren helburua Arabako herritarrak mobilizatzea da, zaurgarritasun-egoeran dauden pertsona eta familiei laguntzeko, produktuen garestitzeak eta dohaintzen murrizketak markatutako urte honetan. Premia handiena duten produktuen artean, emakumeentzako higiene-produktuak eta iraupen luzeko elikagaiak nabarmentzen dira, bereziki ekilore-olioa, arroza, arrain-kontserbak eta haurrentzako zerealak.