175. urteurrenaren ospakizun betean, Vital Fundazioak omenaldia egingo die oraindik ere beren jarduerari eutsi dioten Arabako ehun urtetik gorako tokiko saltoki guztiei. ARKABIAn ekitaldi hunkigarria egingo da datorren astelehenean, ekainak 22, 20:30etik aurrera. Arabako eta Gasteizko ehun urtetik gorako hogeita bi saltokietako bakoitzak “beren ibilbideengatik eta Lurralde osoko nahiz hiriburuko bizitza sozialari eta ekonomikoari egindako ekarpenagatik, Vital Fundazioaren esker ona, miresmena eta errespetua” sinbolizatzen duen saria jasoko du, Jon Urresti Vital Fundazioko presidenteak nabarmendu duenez.
