Betirako (dolua ikastetxean)Hezkuntza programak
BETIRAKO zerbitzuak, prestakuntza eta sentsibilizazio saioen bidez, dolua, bizi-hausturak eta galerak hurbilduko dizkio hezkuntza komunitateari. Ikastetxeetan gerta daitezkeen dolu-prozesuak ezagutaraztea du helburu, baita galerarekin lotutako erantzun emozionalen ulermena sustatzea eta, dolua, eskola-eremuan, modu osasungarrian laguntzeko, adierazteko eta lantzeko tresnak eskaintzea ere.
Dolua ikuspegi zabaletik lantzen da; hortaz, hainbat galera-esperientzia hartzen dira aintzat, hala nola heriotzagatiko galerak, loturen hausturak, gurasoen banantzea, migrazio-dolua, besteak beste.
Jarduteko modua
4 tailer mota:
1. Irakasleentzako prestakuntza
Ordu 2ko iraupena duten aurrez aurreko saio 2.
2. Gainbegiratzea eta laguntzea
Laguntza profesionalerako gunea, egoera zehatzei aurre egitera bideratua, kudeatzeko tresna espezifikoak eskainiz. Ingurune horrek irakasleen lasaitze emozionala errazten du, eta traumarekiko sentikorra den ikastetxea diseinatzen eta eraikitzen laguntzen du.
3. Familientzako prestakuntza
Ordu eta erdiko iraupena duten aurrez aurreko saio 2.
4. Ikasleentzako prestakuntza
Ordu beteko iraupena duten aurrez aurreko saio 2
Ikasleen adinera eta hezkuntza-etapara egokitutako proposamen parte-hartzailea. Bertan, taldeak hainbat erronka gainditu beharko ditu dolu-, galera- edo bizitzako haustura-prozesu bat bizitzen ari den pertsona batek zer behar izan dezakeen ezagutzeko. Jolasaren, hausnarketaren eta talde-lanaren bidez, laguntzeko, bidelagun izateko eta behar denean laguntza eskatzeko moduak landuko dira.
Esperientzia dinamiko honek enpatia sustatzen du, emozioak identifikatzen laguntzen du eta inguruko egoera zailei aurre egiteko zein horietan laguntzeko baliabide errazak ikasteko aukera eskaintzen du.
