Vital Fundazioaren Astearte Musikalek kontzertu berezi baten eskutik emango diote amaiera 2025ari. Musbika Ensemblek Vivaldiren lanez eratutako kontzertua emango du, horien artean Lau Urtaroak, bere konposizio ezagunena eta aurten 300. urteurrena ospatzen ari dena. Bere interpretazioarekin batera, urtaro bakoitzean zer irudikatu nahi zuen deskribatzen duten eta ziur aski Vivaldik berak idatzi zituen bertso batzuk irakurriko dira. Hitzordua bihar izango da, 19:30ean, Vital Fundazioa Kulturunean (Bakea kalea 5, Dendarabako 1. solairua). Kontzertu honetarako sarrerak agortu egin dira.
