Ekintzailetzarako laguntza-poltsakEkintzailetza eta enplegu ekimenak
Arabako Merkataritza, Industria eta Zerbitzu Ganberak eta Vital Fundazioak argi daukate ekonomia suspertzea eta enplegua sortzea direla Arabaren bi erronka nagusiak. Bada, enpresa-sareak enplegua sortzeko zailtasunak dituen aldetik, Arabako ekonomia bultzatzeko, ezinbestekoa da enpresa berrien sorkuntza sustatzea, eta, horretarako, behar-beharrezkoa da erakundeen arteko lankidetza.
Programak, Hasten eta Finkatzen, Arabako Ganberako Enpresak Sortzeko Aloaren bidez kuadeatzen dira. Ganbera Arabako ekintzailetzaren erreferente argia da, urterko Merkataritza Ganberaren babesa eskatzen duten 600 ekintzailek baino gehiagok bermatua.
Ganberaren erantzukizuna izango da, Enpresak Sortzeko Arloaren bidez, ekintzaileari laguntza integrala ematea, enpresa-proiektu bat garatzeak dakarren erronkari arrakastaz aurre egin ahal izateko.
Bestalde, Vital Fundazioak 20 poltsa ekonomiko emango dizkie hitzarmen honen xede diren programetan parte hartzeko hautatutako proiektuei. Akordio hori Fundazioaren lehentasun nagusietako bat da: Araban enplegu-aukera berriak sortzera bideratutako ekimenen alde egitea.
Programak
EKITEN PROGRAMA
Definizioa:
Hautatutako 10 enpresa-proiektu berriek honako hau jasoko dute:
- 1.250 euroko poltsa ekonomikoa (zergen atxikipenari lotua)
- Arabako Ganberako Enpresak Sortzeko Arloaren aholkularitza- eta jarraipen-programa indibidualizatu baterako sarbidea.
Kolektibo onuraduna: Araban enpresa-proiektu bat garatzen ari diren eta oraindik jarduerari ekin ez dioten ekintzaileak
Baldintzak:
- Eskabidea aurkezten den unean Jarduera Ekonomikoen gaineko Zergan alta emanda ez egotea.
- Enpresa berriaren egoitza soziala eta fiskala Araban egon beharko da.
- Enpresa-jarduera gehienez ere 6 hilabeteko epean hasi dadila, programan onartzen denetik zenbatzen hasita, edo, bestela, dagokion memoria aurkeztuta, enpresa-proiektuaren garapenean izandako bilakaera-maila aurreratua egiaztatzea: ingurunea, ingurumenaren zaintzan, finantzaketa jasangarrian, finantza-kulturan eta hustutako lurraldeak.
Balorazio irizpideak: Aurkeztutako proiektu guztien artean puntuazio handiena lortzen dutenak izango dira 10 proiektu onuradunak, irizpide hauen arabera:
- Proiektuaren berrikuntza-maila: 10 puntu, gehienez.
- Proiektuaren bideragarritasun- eta potentzialtasun-maila: 15 puntu, gehienez.
- Talde sustatzailearen gaitasunak, esperientzia eta inplikazioa: 10 puntu, gehienez.
- Aurkeztutako proiektuaren definizio-maila, argitasuna eta kalitatea: 10 puntu, gehienez.
FINKATZEN PROGRAMA
Definizioa:
Hautatutako 10 enpresa sortu berrik honako hau jasoko dute:
- 1.250 euroko poltsa ekonomikoa (zergen atxikipenari lotua).
- Arabako Ganberako Enpresak Sortzeko Arloaren aholkularitza- eta jarraipen-programa indibidualizatu baterako sarbidea.
Kolektibo onuraduna: enpresa sortu berriak, beren enpresa-proiektua finkatzeko fasean daudenak.
Baldintzak:
- Eskaera aurkezteko unean Jarduera Ekonomikoen gaineko Zergan hasierako alta eman zenetik 3 urte baino gehiago igaro ez izana eta/edo enpresa jarduera abiarazteko fasean egotea oraindik.
- Enpresa berriaren egoitza soziala eta fiskala Araban egon beharko da.
- Zerga-betebeharrak eta Gizarte Segurantzarekikoak egunean izatea.
- Mikroenpresa izatea (gehienez 10 langile).
- Enpresa proiektuaren garapenean zuzenean inplikatutako pertsona fisikoen partaidetza izatea gehienbat.
- Bere enpresa-proiektua finkatzeko fasean egotea.
Informazioa eta Eskaerak
Bi programetarako eskaerak aurkezteko epea2026ko uztailaren 10era arte egongo da zabalik.
Eskabideak egiteko inprimakiak Arabako Ganberaren webgunean daude eskuragarri, eta helbide elektroniko honetara bidali behar dira: creaciondeempresas@camaradealava.com
Interesa duten guztiek www.camaradealava.com eta www.fundacionvital.eus webguneetan eskuratu dezaket informazioa.
