GaztefilmZinema
Gaztefilm Fest haur eta gazteentzako zinema erakusketa bat da, Vital Fundazioak Zinhezba eta KalakaLab kultur elkarteekin batera antolatua, eta hezkuntza-esperientzia berritzaile bat planteatzen du, non haurrak proiektuaren eragile aktiboak diren, praktikaren bidez.
Informazioa
Jaialdi honen programazioaren ezaugarri nagusia da zirkuitu komertzialetan erakusten ez den mundu osoko gazteen ikus-entzunezko lan garaikidea ekartzea. Publiko horiei zuzendutako filmografia berritzaileak ezagutzeko aukera paregabea da. Hautaketa-irizpideek eragina dute kalitate zinematografikoan, eklektizismo teknikoan eta estilistikoan (animazioa, dokumentala eta fikzioa) eta gaikako aniztasunean, eta arreta berezia jartzen dute giza eskubideen urraketekin zerikusia duten kultura eta errealitate guztiak hurbildu eta ezagutzeko. Pentsamendu kritikoa sustatzea eta publiko berriak sortzea lehenesten da, programazio arriskutsu eta abangoardistarekin. Film guztiak jatorrizko bertsioan ikusten dira, euskarara eta gaztelaniara azpidatzita.
Gaztefilm Festek programazio bat eskaintzen du, jasotako proposamen ugarien eta nazioarteko hainbat jaialditan aurkitutako beste askoren artean egindako filmen aukeraketa zainduaren emaitza dena. Gainera, beste jarduera interesgarri batzuk proposatzen ditu, hala nola tailerrak eta kontzertuak.
Informazio gehiago gaztefilmfest
