Gizarteak aurrera egin dezan oso garrantzitsua den eta herritar guztien parte hartzea behar duen gai honen hainbat alderdiri buruzko hausnarketarako gune esanguratsu bihurtu da Vital Fundazioaren Genero Berdintasunaren zikloa. 2025 honen bigarren zatian, ekimenak bere jarduerari ekingo dio berriro, urriaren 10etik abenduaren 12ra bitartean, Vital Fundazioa Kulturunean (Bakea kalea 5, Dendarabako 1. solairua) egingo den programazio askotariko eta erakargarri bat osatzen duten sei proposamenen eskutik.
