‘Ensemble il Viaggio’ taldeak kontzertua eskainiko du, bihar, Vital Fundazioaren Astearte Musikaletan, Prusiako Federico II.a ‘Errege musikariari’ eskainitako programaren eskutik. Kontzertua 19:30ean hasiko da, Vital Fundazioa Kulturunean (Bakea kalea 5, Dendarabako 1. solairua). Taldea Gemma Goday zeharkako flautak, Ricart Renart biolinak, Guillermo Turina biolontxeloak, eta Ignasi Jordà klabeak osatzen dute, eta Quantz, Benda, Johann Sebastian Bach, Carl Philipp Emanuel Bach eta Federico Handiaren obrak interpretatuko dituzte.
