Vital Fundazioaren Berdintasun Zikloa itzuli da eta nobedadeak dakartza 2026an. Alde batetik, edukietan generotik haratagoko beste gai batzuk landuko dira, hala nola edadismoa, LGTBIQ+ kolektiboa, migrazioak eta desgaitasuna; beti bezala, hainbat formatutan etorriko dira gaiok, hala nola musika, antzerkia, umorea eta dibulgazioa. Eta, bestetik, ARKABIAra lekualdatuko da, Vital Fundazioaren espazio sozial eta kultural berrira, Posta kaleko 13-15ean.
Informazioa
Pitu Aparicioren Encantada de coñocerme ikuskizunaren eskutik, “aurkikuntza pertsonalari eta ‘autokoñozimenduari’ egindako oda, ibilbide satiriko eta ironikoa, sexu-hezkuntzaren bidez, bere gabezien eta gure gorputzei buruz inoiz kontatu ez ziguten informazioaren bidez”. Ikuskizun horretan sexualitateari buruzko gai pertsonalak eta eztabaidagarriak modu ludiko, dinamiko, barregarri eta, batez ere, beharrezkoan jorratzen ditu. Ikuspegi hurbilean, naturalean eta umoretsuan oinarritutako bere zaintza-metodologiari esker, kontatzeko, galdetzeko edo pentsatzeko beldurra ematen zuena pentsamendu kritiko eta ikaskuntza eraikitzaile bihurtzea lortzen du.
Laura Aparicio, arte-munduan eta sare sozialetan Pitu izenez ezagunagoa, hezitzaile eta integratzaile soziala da, aktibista eta sexualitatean, generoan eta droga-mendekotasunean hezitzailea. Hamar urte luze daramatza nerabeei, familiei, hezitzaileei eta hainbat kolektibori laguntzen, haien bizi kalitatea hobetzeko. Madrilgo emakume honen arrakastaren gakoa tailerretan lantzen dituen gaien hurbiltasuna, argitasuna eta enpatia dira.
Sarrerak
Sarrerak aurrez aurre eros daitezke Arkabian (Postas 13-15) edo online esteka honen bidez:
