José Manuel Fuentesen pinturak askotariko gaiak ditu, eta garrantzi berezia hartzen dute teknikak eta testurek, baita egileak hainbat materialekin izan dituen esperientziek ere, bere koadroetan funtsezko elementu gisa agertzen direnak eta bere nortasun-ezaugarrietako bat bihurtzen direnak.

Bere azken pintura-etapan zura eta makilak erabili zituen elementu figuratibo, bere atsekabea, bizitasuna eta amorrua adierazteko, bere barne-egoeraren zama esanguratsu guztia bere dimentsio osoan irudikatuz. ‘Palo tras palo/Makila makilaren atzetik’ izena eman zion bere lanari, eta bizitzak ematen dituen makilakada gogorretatik ateratzen diren alegiazko pertsonaiak, izutuak, bat egiten dute beren lanetan, bizitako esperientziaren erreferentziak eskaintzeko. Ikusleak bere obra ikusteaz gain lanarekiko interesa izatea bilatzen duenaren ezerez espiritual hori irudikatzen dute eszena horiek, ikusleak bere lanaren parte izan daitezela nahi du. Mirandako margolariaren azken margolan hauek indarrez eta esanahiz beteta daude, estetikoki biribilak eta emozionalki biziak. Bere lanaren adierazkortasun eta kalitate nabarmenaren bitartez, denboraren igarotzeaz, edertasunaz, maitasunaz, naturaz, bizitzaz, heriotzaz hausnartzen du, besteak beste.

Martxoaren 6an, igandea, eta martxoaren 20an, igandea, 12:00etan.