Jaibus Vital 2022Aisialdia
Vital Fundazioaren gazteak 23 helmugatara eramango ditu, 43 ibilbide desberdinen bidez, horien artean Vitoria-Gasteizko Andre Maria Zuriaren jaietara.
Arabako herrietara doazen autobusak 23:30ean abiatuko dira ibilbideko lehenengo puntutik. Itzultzeko, bi ordutegiren artean aukeratu ahal izango da: goizaldeko 3:30ean edo 6:00etan. Ordutegia hemen kontzulta dezakezu.
Gainera, zenbait udalerrik ordutegi bereziak izango dituzte, bai joaneko ordutegian, bai itzulerako ordutegian (Ordutegi bereziak hemen kontzulta dezakezu.). Andre Maria Zuriaren jaietarako zerbitzua, berriz, 22:30ean aterako da abiapuntuetatik, eta itzulera hiriburutik egingo da, 7:30ean.
Txartelak erreserbatzea
Txartelen prezioa 3 eurokoa izango da, joan-etorrikoa, eta erreserba webgunearen bidez baino ezin daiteke egin. Izena emateko epea bidaia bakoitzaren bezperako 13:00ak arte egongo da zabalik. Gasteiz, Bastida eta Langraiz Okako ibilbideetarako, izena emateko epe bereziak daude. Hemen egiazta ditzakezu salbuespen hauek.
Izena emateak pertsonalak eta besterenezinak dira, eta zerbitzuetako arduradunek bidaiarien nortasuna egiaztatuko dute; beraz, autobus joan-etorrirako beharrezkoa da identifikazioa aldean eramatea, baita ordainagiria ere.
Jaibus Vitalek, gainera, garraio egokitua jarriko du, behar duten erabiltzaileen eskura. Zerbitzu hau erabili nahi duten pertsonek izena eman beharko dute eta eskaera jakinarazi beharko dute Jaibus linearen arreta-ordutegietan. Ordutegia hemen kontzulta dezakezu.
Plaza mugatuak dituen zerbitzu diskrezionala da, garraio publikoaren araudi orokorraren mende dagoena.
